संतोष औताडे- मुख्य संपादक,नेवासा दिनांक -19/11/2023
नेवासा तालुक्यातील भेंडा येथे सकल मराठा समाजाच्या वतीने छगन भुजबळ यांच्या पुतळ्याचे दहन करण्यात आले. छगन भुजबळ यांनी मराठा समाजाच्या आरक्षण विरोधी वक्तव्य करून ओबीसी आणि मराठा समाजात तेढ निर्माण करण्याचा प्रयत्न करत असल्याचा आरोप करीत आज रविवार दिनांक १९/११/२०२३ रोजी सकाळी सकल मराठा समाजातर्फे भेंडा येथे बसस्टँड परिसरात छगन भुजबळ यांच्या प्रतीकात्मक पुतळ्याचे दहन करण्यात आले.यावेळी त्यांच्या विरोधात जोरदार घोषणाबाजी करण्यात आली. संतप्त कार्यकर्त्यांनी त्यांच्या पुतळ्यास चपलांनी मारून बोंब मारून निषेध केला.सर्वसामान्य ओबीसी बांधवांचा मराठा समाजास कोणताही विरोध नसताना केवळ आपलं राजकीय स्थान टिकवण्यासाठी दोन समाजात नसलेली भांडणं लावण्याचं पाप छगन भुजबळ हे करत आहेत.जोपर्यंत मंञी छगन भुजबळ यांना त्यांची जागा दाखवणार नाही तोपर्यंत मराठा समाज शांत बसणार नाही.यावेळी मंत्री भुजबळ यांनी मराठा आरक्षण विरोधात बोलणे बंद करावे, अशी मागणीही करण्यात आली.सकाळी मराठा तसेच इतरही समाजाच्या वतीने निषेध करण्यात आला. मराठा समाजाचे पदाधिकारी, कार्यकर्तेे एकत्र आले. कागदी पुठ्ठ्याने तयार केलेला मंत्री भुजबळ यांचा प्रतीकात्मक पुतळ्याचे दहन करून आपला निषेध व्यक्त केला. ‘मराठ्यांना ओबीसीतून आरक्षण मिळालेच पाहिजे’, ‘कोण म्हणत देत नाही, घेतल्याशिवाय राहत नाही’ अशा घोषणांनी परिसरात दणाणून सोडला. यावेळी सकल मराठा समाज भेंडा,सौंदाळा तसेच पंचक्रोशीतील नागरिक मोठ्या संख्येने उपस्थित होते.
