संतोष औताडे- मुख्य संपादक, नेवासा दिनांक – 10/11/2025
सविस्तर माहिती- महायुतीकडूनच भेंडा गटाची निवडणूक लढणार – युवा नेते सिद्धांत नवले यांनी सांगितले आहे.सध्या होऊ घातलेल्या भेंडा गट जिल्हा परिषद निवडणूक आपण महायुतीकडूनच लढणार असल्याचा निर्धार युवा नेते व आमदार विठ्ठलराव लंघे यांचे जावई सिद्धांत नवले यांनी केला आहे शनिवारी भेंडा येथील नवले वस्तीवर पार पडलेल्या भेंडा गटातील कार्यकर्त्यांच्या विचार विनिमय बैठकीत ते बोलत होते.
यावेळी ह भ प रामभाऊ महाराज पेहेरे, हरिभाऊ नवले,दत्तात्रेय नवले, नवले सर, बबनराव शिंदे, शिवाजीराव शेजुळ, सरपंच दादा गजरे,व्यासपीठावर उपस्थित होते
सिद्धांत नवले आपल्या भाषणात पुढे म्हणाले की आपण गेल्या तीन चार वर्षापासून भेंडा जिल्हा परिषद गटात निवडणुकीची तयारी करत आहोत भेंडा गटात येणाऱ्या अठरा गावात मी पोहोचलेलो आहे प्रत्येक लग्नकार्य सुखदुःखाची घटना व इतर सर्व कार्यक्रमात सहभागी होऊन जनतेच्या समस्या समजून घेत आहे आणि हे करत असताना तरुणांची मोठी फळी आपल्या सोबत तयार झाली तरुण आणि ज्येष्ठ यांच्या मार्गदर्शनातूनच आपण हा निर्णय घेत आहोत अनेक दिवस मी जनतेमध्ये जात असताना प्रत्येकाला शब्द दिला होता की निवडणूक लढवण्याच्या वेळी सर्वांना विचारात घेऊनच आपण पक्षप्रवेश करणार असल्याचा शब्द आज पूर्ण होत आहे.
यावेळी भेंडा येथील विशाल शिंदे, सरपंच दादा गजरे, सुनील गव्हाणे,राजू चिधे,मक्तापूर येथील निवृत्ती लहारे,साळवे, गोंडेगाव येथील अशोक पाठक, रांजणगावचे पोलीस पाटील बबन शिंदे,ह भ प रामभाऊ महाराज पेहेरे, किशोर भांगे,ईश्वर काळे,शिवाजीराव शेजुळ,अजय कोळेकर,तुषार शिंदे, बाभुळखेडा येथील कडू सर,ज्येष्ठ मार्गदर्शक हरिभाऊ नवले, आदींची भाषणे झाली या सर्वांनी आपण महायुतीकडूनच कडूनच उमेदवारी करा आम्ही सर्वजण खंबीरपणे तुमच्या पाठीशी राहून तुम्हाला साथ देऊ अशी साद घातली या विचार विनिमय बैठकी प्रसंगी अठरा गावातील सुमारे तीनशे कार्यकर्ते उपस्थित होते यावेळी कार्यक्रमाचे सूत्रसंचालन व प्रास्ताविक पत्रकार आदेश जावळे यांनी केले तर रवी नवले यांनी सर्वांचे आभार मानले
