संतोष औताडे-मुख्य संपादक, नेवासा, दिनांक -14/02/2025
प्रस्तुत बातमीतील हकीगत अशी की, दि. २०/०५/२०२२ रोजी यातील अज्ञात आरोपी याने अपहरीत
अल्पवयीन मुलीस मेंगाळवाडी, ता. संगमनेर जि. अहिल्यानगर येथुन फुस लावुन पळवून नेले होते. सदर
बाबत संगमनेर तालुका पोस्टे गुरनं । १९७ / २०२२ भादविक ३६३ प्रमाणे गुन्हा दाखल झाला होता. सदर
गुन्ह्याचा तपास न लागल्याने सदरचा गुन्हा अनैतिक मानवी वाहतुक प्रतिबंध कक्ष (AHTU) अहिल्यानगर
यांचेकडेस गुन्ह्यास भादवि कलम ३७० हे वाढीव कलम लावून तपासकामी वर्ग करण्यात आला होता. सदर
गुन्ह्याचा तपास पोनि इंगळे हे करत होते.
वरील नमुद गुन्ह्याचा तपास अनैतिक मानवी वाहतूक प्रतिबंध कक्ष ( AHTU) अहिल्यानगर येथे
वर्ग झाल्यानंतर पो. नि. राजेंद्र इंगळे व शाखेचे अधिकारी / अंमलदार यांनी वेगवेगळ्या मार्गाने व गुप्त
बातमीदारामार्फत माहिती काढुन शोध घेत असतांना अशी माहिती मिळाली की, सदर गुन्ह्यातील अपहरीत
मुलगी ही सावरचोळ, ता. संगमनेर जि. अहिल्यानगर येथे रहावयास आहे. अशी माहिती मिळाल्याने पो. नि
इंगळे व स्टाप यांनी सदर ठिकाणी जावून अपहरीत मुलीचा शोध घेतला असता सदरची मुलगी ही मिळून
आलेली असून सदर अपहरीत मुलगी व तिचे ६ महिन्याचे बाळ यांना पुढील तपासकामी संगमनेर तालुका
पोलीस स्टेशनला हजर करण्यात आलेले आहे.
सदरची कारवाई मा. श्री राकेश ओला सो., पोलीस अधिक्षक, अहिल्यानगर, श्री प्रशांत खैरे
सो., अपर पोलीस अधिक्षक अहिल्यानगर, श्री गणेश उगले सो. पोलीस उपअधिक्षक अहिल्यानगर यांचे
सुचना व मार्गदर्शनाखाली पोलीस निरीक्षक राजेंद्र इंगळे, पोहेकॉ / २०२४ समीर सय्यद, मपोहेकॉ १२४६ /
अर्चना काळे, मपोहेकाँ/ १०८२ अनिता पवार, मपोकाँ/ १३६५ छाया रांधवन, चालक पो.कॉ. २६७३/ एस.एस.
काळे सर्व नेम – अनैतिक मानवी वाहतुक प्रतिबंध कक्ष (AHTU) अहिल्यानगर, यांनी केली आहे.
