गळनिंब, ता. नेवासा येथील खुनाचे गुन्ह्यातील आरोपी जेरबंद स्थानिक गुन्हे शाखा अहमदनगर यांची कारवाई.

संतोष औताडे -मुख्य संपादक, नेवासा      दिनांक :- १२/१२/२०२३

गळनिंब, ता. नेवासा येथील खुनाचे गुन्ह्यातील आरोपी जेरबंद
स्थानिक गुन्हे शाखा अहमदनगर यांची कारवाई.
प्रस्तुत बातमीची हकिगत अशी, फिर्यादी श्री प्रमोद संभाजी कापसे वय २४ वर्षे, रा. सुरेगांव, ता. नेवासा, जि.
अहमदनगर यांचा मित्र प्रविण सुधाकर डहाळे वय २४ वर्षे, रा. गळनिंब, ता. नेवासा यास आरोपी नामे १) शेखर अशोक
सतकर, २) माऊली उर्फ अरुण दत्तात्रय गणगे ३) अशोक उर्फ खंडु किसन सतकर सर्व रा. सुरेगांव, ता. नेवासा, ४) दिपक
सावंत पुर्ण नांव माहित नाही. रा. अहमदनगर, ५) ईश्वर पठारे रा. वरखेड, ता. नेवासा, ६) जालींदर बिरुटे रा. सदर, व
इतर दोन ते तीन अनोळखी इसमांनी मागील भांडणाचे कारणावरुन तलवार, कोयते, लोखंडी रॉड, लाकडी दांडक्याने
मारहाण करुन जिवे ठार मारले. सदर घटनेबाबत नेवासा पोलीस ठाणे गु.र.नं. १०२८/२०२३ भादवि कलम ३०२, ३०७,
१४३, १४७, १४८, १४९ सह आर्म अॅक्ट कायदा कलम ३/२५ प्रमाणे गुन्हा दाखल करण्यात आला होता.
सदर गुन्हा दाखल झाल्यानंतर मा. श्री. राकेश ओला साहेब, पोलीस अधिक्षक, अहमदनगर यांनी पोनि/श्री.
दिनेश आहेर, स्थानिक गुन्हे शाखा, अहमदनगर यांना सदर गुन्ह्यातील आरोपी अटक करणेकामी पथक नेमण समांतर
तपास करून कारवाई करणे बाबत आदेश दिले होते.
नमुद आदेशान्वये पोनि / श्री. दिनेश आहेर, स्थागुशा यांनी स्थानिक गुन्हे शाखेतील सपोनि/हेमंत थोरात, सफौ.
भाऊसाहेब काळे, पोहेकॉ/दत्तात्रय विठ्ठल गव्हाणे, पोहेकॉ/ज्ञानेश्वर शिंदे, पोना/रविंद्र कर्डीले, संदीप दरंदले, फुरकान शेख,
पोकॉ/बाळासाहेब खेडकर, किशोर शिरसाद चालक सफौ. उमाकांत गावडे अशा पोलीस अंमलदारांचे पथक तयार करुन
खुन करणारे आरोपींची माहिती घेवून कारवाई करणे बाबत सुचना देवुन पथकास तात्काळ रवाना केले. पथक नेवासा
तालुक्यामध्ये आरोपींची माहिती घेत असताना पोनि/श्री. दिनेश आहेर यांना गुप्तबातमीदारा मार्फत माहिती मिळाली की,
वर नमुद गुन्ह्यातील आरोपी नामे शरद कुंडलिक ढोकणे हा माळीचिंचोरा या ठिकाणी येणार असुन तो कोठेतरी पळुन
• जाण्याच्या तयारीत असल्याची खात्रीशिर बातमी मिळाल्याने पोनि/श्री. दिनेश आहेर यांनी प्राप्त माहिती पथकास कळवुन
खात्री करून कारवाई करणे बाबत आदेश दिले. पथकाने लागलीच माळीचिंचोरा शिवार, ता. नेवासा या ठिकाणी सापळा
रचुन थांबलेले असतांना बातमीतील वर्णनाचा संशयीत इसम मिळुन आल्याने त्यास ताब्यात घेवून त्याचे पुर्ण नांव गांव
विचारता त्याने त्याचे नांव शरद कुंडलिक ढोकणे वय ४३ वर्षे, रा. गोपाळपुर, ता. नेवासा, जि. अहमदनगर असे
असल्याचे सांगितले. त्यांचेकडे वर नुद गुन्ह्याबाबत विचारपुस करता त्यांनी गुन्हा केल्याची कबुली दिल्याने त्यांना ताब्यात
घेवुन नेवासा पोलीस स्टेशन येथे हजर केले आहे. पुढील तपास नेवासा पोलीस स्टेशन करीत आहे.
सदरची कारवाई मा. श्री. राकेश ओला साहेब, पोलीस अधीक्षक, अहमदनगर, मा. श्रीमती. स्वाती भोर
मॅडम, अपर पोलीस अधीक्षक, श्रीरामपूर व श्री. सुनिल पाटील साहेब, उपविभागीय पोलीस अधिकारी, शेवगांव
विभाग यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.