मुकुंदनगर परिसरातील अवैध शस्त्रे बाळगणा-या आरोपींची टोळी जेरबंद स्थानिक गुन्हे शाखा अहमदनगरची कारवाई.

संतोष औताडे- मुख्य संपादक.        दिनांक -22/06/2023

*मुकुंदनगर परिसरातील अवैध शस्त्रे बाळगणा-या आरोपींची टोळी जेरबंद स्थानिक गुन्हे शाखा अहमदनगरची कारवाई*
प्रस्तुत बातमीची हकिगत अशी की, मा. श्री. राकेश ओला साहेब, पोलीस अधिक्षक, अहमदनगर यांनी
पोनि/ श्री. दिनेश आहेर, स्थानिक गुन्हे शाखा, अहमदनगर यांना आगामी सण उत्सव अनुषंगाने अहमदनगर शहरातील
अवैध शस्त्रे बाळगणा-या इसमांची माहिती घेवून कारवाई करणे बाबत दिले होते.
नमुद आदेशान्वये पोनि / श्री. दिनेश आहेर यांनी स्थानिक गुन्हे शाखेतील पोसई/तुषार धाकराव, सफी / भाऊसाहेब
काळे, पोहेकॉ/बापुसाहेब फोलाणे, सुनिल चव्हाण, दत्तात्रय हिंगडे, संदीप पवार, मनोहर गोसावी, पोना/रविंद्र कर्डीले,
भिमराज खर्से, विजय ठोंबरे, संतोष लोढे, पोकॉ/मेघराज कोल्हे, अमृत आढाव व चापोहेकॉ/उमाकांत गावडे अशा पोलीस
अधिकारी व अंमलदार यांना अहमदनगर शहर व परिसरात फिरुन अवैध शस्त्रे व हत्यारे बाळगणा-या आरोपींची माहिती
घेवून कारवाई करणे बाबत सुचना देवुन पथकास रवाना केले.
स्थागुशा पथक अहमदनगर शहर व परिसरात फिरुन आरोपींची माहिती घेत असताना पोनि / श्री. दिनेश आहेर
यांना गुप्तबातमीदारा मार्फत माहिती मिळाली की, नगर ते भिंगार जाणारे रोडवरील भिंगार नाला येथे इसम नामे साबीर
सय्यद रा. मुकुंदनगर, गोविंदपुरा, अहमदनगर हा त्याचे पाच साक्षीदारासह काळ्या रंगाची बॅग व पांढ-या रंगाचे गोणीमध्ये
बेकायदेशिर हत्यारे घेवुन येणार आहे. आता गेल्यास मिळुन येईल अशी खात्रीशीर माहिती मिळाल्याने पोनि/ श्री. दिनेश
आहेर यांनी प्राप्त माहिती पथकास कळवुन पंचाना सोबत घेवुन खात्री करून कारवाई करणे बाबत सुचना दिल्या. पथकाने
लागलीच भिंगार नाला परिसरात जावुन सापळा लावुन थांबलेले असताना जवळील काटवनातुन सहा इसम पायी येताना
दिसले. त्यापैकी एकाचे हातात काळ्या रंगाची बॅग व दुस-या एका इसमाचे हातात पांढ-या रंगाची गोणी दिसुन आली.
पथकाची खात्री होताच त्यांचेवर अचानक छापा टाकुन चार इसमांना जागीच ताब्यात घेतले. व दोन इसम झाडा-झुडपांचा
फायदा घेवून पळून गेले.
ताब्यात घेतलेल्या इसमांना पोलीस पथकाची ओळख सांगुन त्यांचे नाव गांव विचारले असता त्यांनी त्यांची नावे
१) साबीर अस्लम सय्यद वय १९, २) समी मुजीब शेख वय १९, ३) अजहर गफ्फार शेख वय २० व एक विधीसंघर्षीत
बालक सर्व रा. मुकुंदनगर, गोविंदपुरा, अहमदनगर असे असल्याचे सांगितले. त्यांची पंचा समक्ष अंगझडती घेता त्यांचे
अंगझडती मध्ये १,५००/- रुपये किंमतीची एक तलवार, १,०००/- रुपये किंमतीची एक गुप्ती व ५,५००/- रुपये
किंमतीचे दहा सुरे असा एकुण ८,०००/- हजार रुपये किंमतीचा मुद्देमाल मिळुन आल्याने आरोपींना मुद्देमालासह
ताब्यात घेतले. आरोपींकडे पळून गेलेल्या इसमांची नाव व पत्ते विचारले असता त्यांनी त्यांची नावे ४) आयान समिर
खान (फरार) व ५) सौरभ कथुरीया (फरार) दोन्ही रा. मुकुंदनगर, गोविंदपुरा, अहमदनगर असे सांगितले.
ताब्यात घेतलेल्या आरोपी विरुध्द पोना/१५५७ भिमराज किसन खसें ने स्थागुशा, अहमदनगर यांचे फिर्यादीवरुन
भिंगार कॅम्प पो.स्टे.गु.र.नं. ३०६/२३ आर्म अॅक्ट क. ४/२५ प्रमाणे गुन्हा दाखल करण्यात आला आहे. पुढील तपास
भिंगार कॅम्प पोलीस स्टेशन करीत आहे. आरोपींचे पळून गेलेल्या साथीदारांचा शोध घेतला परंतु ते मिळुन आले नाही.
सदरची कारवाई मा. श्री. राकेश ओला साहेब, पोलीस अधीक्षक, अहमदनगर, श्री. प्रशांत खैरे साहेब,
अपर पोलीस अधिक्षक, अहमदनगर व उपविभागीय पोलीस अधिकारी, श्री. अनिल कातकाडे साहेब, नगर शहर
विभाग यांचे सुचना व मार्गदर्शना खाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.