संतोष औताडे (मुख्य संपादक). दिनांक- 30/05/2022
मुलीचे अपहरण करणारी महीला आरोपी जेरबंद श्रीगोंदा पोलिसांची कारवाई.
सविस्तर माहिती- दि .23 / 05 / 2022 रोजी फिर्यादी मयुरी विनोद गायकवाड वय 23 वर्षे रा . ढोलेपाटील रोड , पुणे हीची तिन वर्षाची मुलगी दि .23 / 05 / 2022 रोजी दुपारी 13.30 वा.ते. 15.00 वा.चे दरम्यान कॅन्टोन्मेट सहकारी बँक लि . ढोलेपाटील रोड शाखा शेजारील सार्वजनिक रोड पुणे येथुन कोणीतरी अज्ञात व्यक्तीने फिर्यादीचे संमतीशिवाय कायदेशिर रखवालीतुन पळवून नेले आहे . त्यावरुन कोरेगाव पार्क गु.रजि.नं .47 / 2022 भा.द.वि.क .363 प्रमाणे दाखल करण्यात आला होता . सदर गुन्ह्याचा तपास चालु असताना दि .30 / 05 / 2022 रोजी कोरेगाव पार्क पोलीस स्टेशनचे पोसई अमोल घोडके व त्यांचे पथक सदर गुन्ह्याचे तपास कामी श्रीगोंदा पोलीस स्टेशन येथे आले असता त्यांचेकडील असलेले सीसीटीव्ही फुटेज , चे माहीतीचे आधारे सदरचा गुन्ह्यातील आरोपी महीला ही शेंडगेवाडी शिवारातील असल्याची गुप्त बातमीदारामार्फत माहीती पोलीस निरीक्षक रामराव ढिकले यांना मिळाली सदर माहीतीचे अनुशंगाने त्यांनी गुन्हे प्रकटीकरण शाखेचे अधिकारी व कर्मचारी यांना सुचना दिल्या . त्यावरुन गुन्हे प्रकटीकरण पथकाने संशयित महीला नामे उषा नामदेव चव्हाण वय 35 वर्षे रा.शेंडगेवाडी ता . श्रीगोंदा हीस ताब्यात घेतले असता तिचेकडे केलेल्या चौकशी मध्ये सदर गुन्ह्यातील अपहरण करण्यात आलेली तिन वर्षाची मुलगी मिळुन आल्याने त्यांना कोरेगाव पार्क पोलीस स्टेशनचे पोसई अमोल घोडके व पोलीस पथक यांचे ताब्यात देण्यात आले आहे . सदरची कारवाई मा . पोलीस अधिक्षक श्री मनोज पाटील साहेब , मा . अप्पर पोलीस अधिक्षक सौरभकुमार अग्रवाल साहेब , मा . उपविभागीय पोलीस अधिकारी श्री अण्णासाहेब जाधव साहेब यांचे मार्गदर्शनाखाली श्रीगोंदा पोलीस ठाण्याचे पोलीस निरीक्षक श्री रामराव ढिकले , पोसई समीर अभंग , सफो अंकुश ढवळे , पोना गोकुळ इंगवले , पोकॉ प्रकाश मांडगे , पोकॉ किरण बोराडे , पोकॉ दादासाहेब टाके , पोकॉ अमोल कोतकर तसेच पोलीस उपनिरीक्षक अमोल घोडके , पोना घोडके , पोना जढर , मपोकॉ राऊत सर्व नेम कोरेगाव पार्क पोलीस ठाणे पुणे शहर यांच्या मार्गदर्शनाखाली पोलिसांनी कारवाई केली.
