संतोष औताडे-मुख्य संपादक, नेवासा दिनांक -28/09/2025
सविस्तर माहिती-– शेतकरी, कामगार आणि दिव्यांगांच्या प्रश्नांवर ठाम भूमिका घेणारे प्रहार जनशक्ती पक्षाचे नेते आमदार बच्चू कडू यांच्या नेतृत्वाखाली सुरू असलेल्या *“सातबारा कोरा यात्रा”**ला राज्यभरातून उत्स्फूर्त प्रतिसाद मिळत आहे. या यात्रेचा पुढील टप्पा 29 सप्टेंबर 2025 रोजी सायंकाळी आठ वाजता अहिल्या नगर जिल्ह्यातील नेवासा तालुक्यातील भेंडा येथें सायंकाळी आठ वाजता नागेबाबा भक्त निवास हॉलमध्ये होणाऱ्या जाहीर सभेत पार पडणार आहे.
शेतकऱ्यांचा सातबारा कोरा हा मुख्य मुद्दाया सभेत बच्चू कडू शेतकऱ्यांच्या कर्जमुक्तीचा प्रश्न पुन्हा एकदा जोरदारपणे मांडणार आहेत.
त्यांनी यापूर्वी स्पष्ट केले होते की – “शेतकऱ्यांच्या सातबाऱ्यावर कोरे नोंदवही असावी म्हणजे त्यांच्यावर कोणतेही कर्ज नसावे. खरी स्वातंत्र्याची चव शेतकऱ्यांना तेव्हाच मिळेल.”
या संकल्पनेसाठीच त्यांनी संपूर्ण राज्यात सातबारा कोरा यात्रा काढली असून शेतकऱ्यांमध्ये या यात्रेला प्रचंड प्रतिसाद मिळतो आहे.
दिव्यांग, मच्छीमार, मेंढपाळ तरुण आणि सामान्य जनतेच्या मागण्या सभेत केवळ शेतकऱ्यांचेच नव्हे तर दिव्यांगांच्या वेतनवाढीचे, शैक्षणिक सवलतींचे तसेच बेरोजगार तरुणांच्या संधींबाबतचे प्रश्नही मांडले जाणार आहेत.
याशिवाय सामान्य जनतेच्या दैनंदिन अडचणींवरही प्रहार पक्ष आपली भूमिका स्पष्ट करेल.स्थानिकांचा उत्स्फूर्त प्रतिसाद भेंड्यातील नागरिक, शेतकरी व तरुणांमध्ये या सभेबद्दल मोठी उत्सुकता असून सभेला मोठी गर्दी होण्याची शक्यता आहे. नागेबाबा भक्त निवास हॉल ही भव्य सभा पार पाडण्यासाठी निवडण्यात आली असून हॉल परिसरात मोठ्या प्रमाणावर बॅनर्स, पोस्टर्स लावण्यात आले आहेत.
पोलिस प्रशासन सज्ज सभेसाठी गर्दी होण्याची शक्यता लक्षात घेऊन भेंडा पोलिस प्रशासनाने विशेष सुरक्षा व्यवस्था आखली आहे. वाहतूक कोंडी टाळण्यासाठी महामार्ग व भेंडा शहरातील महत्त्वाच्या चौकांवर पोलिस बंदोबस्त ठेवण्यात येणार आहे.
सभेचे महत्त्व राज्यातील शेतकरी व जनतेच्या प्रश्नांना न्याय मिळवून देण्यासाठी बच्चू कडू यांनी सातत्याने आक्रमक भूमिका घेतली आहे. त्यामुळे या सभेतून सरकारवर दबाव आणला जाण्याची शक्यता वर्तवली जात असून शेतकरी समाजासह सर्वसामान्य नागरिकांचे लक्ष या सभेकडे आहे. या सभेसाठी हजारोंच्या संख्येने उपस्थित रहा असे आव्हान प्रहार जनशक्ती पक्षाचे पदाधिकारी, शेतकरी, दिव्यांग, मच्छीमार, व भेंडा परिसरातील नागरिकांच्या वतीने करण्यात आले आहे.
