दरोड्याच्या तयारीत असलेली टोळी गावठी कट्टा व 3 जिवंत काडतुसासह स्थानिक गुन्हे शाखेकडुन जेरबंद.

संतोष औताडे –   मुख्य संपादक              दिनांक- :-25/06/2023

———————————-
प्रस्तुत बातमीची हकिगत अशी की, मा. श्री. राकेश ओला साहेब, पोलीस अधीक्षक, अहमदनगर यांनी पोनि/श्री. दिनेश आहेर, स्थानिक गुन्हे शाखा, अहमदनगर यांना जिह्यातील फरार व पाहिजे आरोपींची माहिती घेवुन कारवाई करणे बाबत यांना आदेश दिले होते.
नमुद आदेशा प्रमाणे पोनि/श्री. दिनेश आहेर यांनी स्थानिक गुन्हे शाखेतील सफौ/राजेंद्र वाघ, संजय खंडागळे, पोहेकॉ/मनोहर गोसावी, रविंद्र पांडे, देवेंद्र शेलार, सुरेश माळी, पोना/विशाल दळवी, संतोष लोढे, पोकॉ/सागर ससाणे, मच्छिंद्र बर्डे, विजय धनेधर व चापोकॉ/अरुण मोरे अशा पोलीस अंमलदारांचे पथक नेमुन कारवाई करणे बाबतचे सुचना दिल्याने. पथक अहमदनगर शहर व उपनगर परिसरात फिरुन फरार व पाहिजे आरोपींचा शोध घेत असताना दि.25/07/23 रोजी पोनि/श्री. दिनेश आहेर यांनी पथकास कळविले की, आताच गुप्तबातमीदारा मार्फत माहिती मिळाली की, राखाडी रंगाचे इरटीगा कारमधील काही इसम अहमदनगर शहर परिसरात कोठेतरी गंभीर स्वरुपाचा गुन्हा करण्याचे उद्देशाने घातक हत्यारे घेवुन कॉटेज कॉर्नर ते भिस्तबाग महल रोडने येत आहेत. आता गेल्यास मिळुन येईल अशी खात्रीशीर माहिती मिळाल्याने नमुद ठिकाणी जावुन खात्री करुन कारवाई करणे बाबत सुचना दिल्या व पथकास रवाना केले.
पथकाने दि.25/07/23 रोजी 10.30 वाचे सुमारास तपोवन रोड, भिस्तबाग महला जवळ जावुन ताब्यातील वाहने महालाचे बाजुस आडोशाला अंधारात उभी करुन, सापळा लावुन थांबलेले असताना थोड्याच वेळात एक राखाडी रंगाची कार कॉटेज कॉर्नर रोडने महालाकडे येताना दिसली. पथकाची खात्री होताच चालकास गाडी थांबवण्याचा इशारा करताच त्याने गाडी थांबविली. वाहनातील संशयीतांना पोलीस पथकाची ओळख सांगुन त्यांचे नाव गांव विचारले असता त्यांनी त्यांची नावे 1) नयन राजेंद्र तांदळे वय 29, रा. पवननगर, पाईपलाईन रोड, अहमदनगर, 2) लियाकत जाफर शेख वय 36, रा.जेऊर बायजाबाई, ता. नगर, 3) अमोल लक्ष्मण रणसिंग वय 35, रा. केडगांव, ता. नगर, 4) धुराजी नामदेव महानुर वय 25, रा. आष्टी, जिल्हा बीड व 5) बजरंग नारायण मिश्रा वय 35, रा. भिस्तबाग चौक, सावेडी, अहमदनगर असे असल्याचे सांगितले. संशयीतांची पंचासमक्ष अंगझडती घेता त्यांचे अंगझडतीमध्ये 36,500/- रुपये किंमतीचा गावठीकट्टा व तीन जिवंत काडतुस, 1,000/- रुपये किंमतीचा एक कोयता, 500/- रुपये किंमतीचे बटनाचे दोन चाकु, 56,000/- रुपये किंमतीचे विविध प्रकारचे सात मोबाईल फोन, लाकडी दांडके व 4,00,000/- रुपये किंमतीची एक इरटीगा कार असा एकुण 4,94,000/- रुपये किंमतीचा मुद्देमाल मिळुन आला त्याबाबत विचारपुस करता त्यांनी कोठे तरी दरोड्या सारखा गंभीर स्वरुपाचा गुन्हा करण्याचे उद्देशाने आल्याची कबुली दिल्याने आरोपींना मुद्देमालासह ताब्यात घेतले. ताब्यात घेतलेल्या आरोपी विरुध्द तोफखाना पोलीस स्टेशन गु.र.नं. 1034/23 भादविक 399, 402 सह आर्म ऍ़क्ट 3/25, 4/25 प्रमाणे दरोडा तयारीचा गुन्हा दाखल करण्यात आला आहे. पुढील तपास तोफखाना पोलीस स्टेशन करीत आहे.

आरोपी नामे नयन राजेंद्र तांदळे हा सराईत गुन्हेगार असुन त्याचे विरुध्द ठाणे व अहमदनगर जिल्ह्यात दरोडा तयारी, जबरी चोरी व चोरी असे गंभीर स्वरुपाचे एकुण -11 गुन्हे दाखल आहेत ते खालील प्रमाणे –
अ.क्र. पोलीस स्टेशन गु.र.नं. व कलम
1. तोफखाना गु.र.नं. 121/16 म.जु.का.क. 12 (अ)
2. उल्हासनगर, जिल्हा ठाणे गु.र.नं. 1176/17 भादविक 394, 34
3. सुपा गु.र.नं. 11/17 भादविक 379, 34, 411
4. नगर तालुका गु.र.नं. 244/19 भादविक 394, 34
5. कोतवाली गु.र.नं. 1765/19 भादविक 392, 34
6. तोफखाना गु.र.नं. 1546/19 भादविक 394, 323, 504, 506
7. तोफखाना गु.र.नं. 1607/19 भादविक 392, 323, 506, 34
8. तोफखाना गु.र.नं. 1756/19 भादविक 392, 34
9. तोफखाना गु.र.नं. 1715/19 भादविक 392, 34
10. तोफखाना गु.र.नं. 6663/20 भादविक 394, 365, 504, 506
11. सुपा गु.र.नं. 505/20 भादविक 399, 402

आरोपी नामे अमोल लक्ष्मण रणसिंग हा सराईत गुन्हेगार असुन त्याचे विरुध्द अहमदनगर जिल्ह्यात खुन, खुनाचा प्रयत्न, दरोडा व इतर कलमान्वये गंभीर स्वरुपाचे एकुण -05 गुन्हे दाखल आहेत ते खालील प्रमाणे –
अ.क्र. पोलीस स्टेशन गु.र.नं. व कलम
1. तोफखाना गु.र.नं. 65/14 भादविक 302 आर्म ऍ़क्ट 3/25 व 4/25
2. कोतवाली गु.र.नं. 194/16 भादविक 395, 363, 307, 327 आर्म ऍ़क्ट 3/25, 4/25
3. तोफखाना गु.र.नं. 37/18 म.जु.का.क. 12 (अ)
4. नगर तालुका गु.र.नं. 301/14 म.जु.का.क. 12 (अ)
5. तोफखाना गु.र.नं. 676/21 भादविक 307, 452, 324, 109, 323

आरोपी नामे बजरंग नारायण मिश्रा हा सराईत गुन्हेगार असुन त्याचे विरुध्द अहमदनगर जिल्ह्यात दुखापत करणे व इतर कलमान्वये 02 गुन्हे दाखल आहेत ते खालील प्रमाणे –
अ.क्र. पोलीस स्टेशन गु.र.नं. व कलम
1. तोफखाना गु.र.नं. 120/16 भादविक 324, 34
2. तोफखाना गु.र.नं. 508/18 भादविक 337, 504, 506, 34 सह अजाज 3, 1 (आर) (एस)

सदर कारवाई मा. श्री. राकेश ओला साहेब, पोलीस अधीक्षक, अहमदनगर, मा. श्री. प्रशांत खैरे साहेब, अपर पोलीस अधिक्षक, अहमदनगर व श्री. अनिल कातकाडे साहेब, उपविभागीय पोलीस अधिकारी, नगर विभाग यांचे सुचना व मार्गदर्शना खाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.