चार (०४ ) गावठी कट्टे व आठ (०८ ) जिवंत काडतुसासह सराईत आरोपी जेरबंद स्थानिक गुन्हे शाखेची कारवाई.
संतोष औताडे ( मुख्य संपादक ) दिनांक-11/07/2022
चार (०४ ) गावठी कट्टे व आठ (०८ ) जिवंत काडतुसासह सराईत आरोपी जेरबंद स्थानिक गुन्हे शाखेची कारवाई.
सविस्तर माहिती- दिनांक : – ११/०७/२०२२ मा . श्री . बी . जी . शेखर पाटील साहेब , विशेष पोलीस महानिरीक्षक , नाशिक परीक्षेत्र , नाशिक मा . श्री . मनोज पाटील साहेब , पोलीस अधिक्षक , अहमदनगर यांनी पोनि / श्री . अनिल कटके , स्थागुशा अहमदनगर यांना जिल्ह्यात अवैध अग्नीशस्त्रे व हत्यारे बाबत जास्तीत जास्त कारवाई करणे बाबत सुचना देवुन मार्गदर्शन केले . नमुद सुचना व मार्गदर्शना प्रमाणे श्री . अनिल कटके , पोलीस निरीक्षक , स्थानिक गुन्हे शाखा अहमदनगर हे अहमदनगर जिल्ह्यातील अवैध अग्नीशस्त्र व हत्यारे याबाबत माहिती घेत असतांना पोनि / कटके यांना गुप्त खबऱ्याकडून माहिती मिळाली कि , एक इसम गावठी कट्टे व जिवंत काडतसे विक्री करण्यासाठी औरंगाबाद कडुन अहमदनगर कडे , शेंडी बायपास , पांढरीपुल , ता . नगर या ठिकाणी येणार आहे . आता लागलीच गेल्यास मिळून येईल अशी खात्रीशीर माहिती मिळाल्याने पोनि / अनिल कटके स्थानिक गुन्हे शाखा , अहमदनगर यांनी स्थानिक गुन्हे शाखेच्या पथकातील अधिकारी व अंमलदार यांना मिळालेल्या बातमीनुसार खात्री करुन कारवाई करण्याबाबत आदेश दिले . नमुद आदेशा प्रमाणे स्थानिक गुन्हे शाखेच्या पथकातील पोसई / सोपान गोरे , सफी / भाऊसाहेब काळे पोहेकॉ / संदीप पवार , सुनिल चव्हाण , मनोज गोसावी , संदीप घोडके , देवेंद्र शेलार , पोना / शंकर चौधरी , रवि सोनटक्के , ज्ञानेश्वर शिंदे , पोकॉ / आकाश काळे , मेघराज कोल्हे व चापोहेकॉ / संभाजी कोतकर अशांनी मिळून मिळालेल्या बातमीचे ठिकाणी शेंडी बायपास , पांढरीपुल येथे जावून सापळा लावला . त्यानंतर थोड्याच वेळात एक संशयीत इसम काळे रंगाचे मोटार सायकलवर औरंगाबादकडुन अहमदनगरकडे येताना दिसला . पोलीस पथकाची खात्री झाल्याने पथकातील अधिकारी व अंमलदार यांनी संशयीत इसमास हात दाखवून थांबण्याचा इशारा केला असता तो त्याची मोटार सायकल जोराने चालवुन शेंडी बायपास रोडने पळून जावु लागला समोरुन आलेल्या ट्रकमुळे त्याचे मोटार सायकलचा स्पिड कमी झाल्याने त्यास शिताफीने ताब्यात घेतले . ताब्यात घेतलेल्या संशयीत इसमास त्याचे नाव पत्ता विचारले असता त्यांनी त्यांची नावे १ ) महेश काशिनाथ काळे , वय २६ , रा . जामगांव , ता .. गंगापुर , जिल्हा औरंगाबाद असे असल्याचे सांगीतले . त्याची अंगझडती घेतली असता त्याचे अंगझडतीमध्ये चार ( ०४ ) गावठी बनावटी कट्टे , आठा ( ०८ ) जिवंत काडतूसे , स्प्लेंडर मोटार सायकल , मोबाईल व सॅक असे एकूण २,२४,००० / – रु.किं.चा मुद्देमाल मिळून आल्याने ते जप्त करण्यात आला . नमुद इसम हा एमआयडीसी व अहमदनगर शहर परिसरात चार ( ०४ ) व आठ ( ०८ ) जिवंत काडतूसे विक्री करण्याचे उद्देशाने बेकायदेशिरित्या कब्जात बाळगताना मिळून आल्याने सदर बाबत पोहेकों / ४४० संदीप कचरु पवार ने . स्थानिक गुन्हे शाखा , अहमदनगर यांनी एमआयडीसी पोलीस स्टेशन येथे दिलेल्या फिर्यादीवरुन आर्म अॅक्ट कलम ३/२५ , ७ प्रमाणे गुन्हा दाखल करण्यात आलेला आहे . पुढील कार्यवाही एमआयडीसी पोलीस स्टेशन करीत आहे.सदरची कारवाई पोलिस अधीक्षक मनोज पाटील अहमदनगर, सौरभ कुमार अग्रवाल अपर पोलिस अधीक्षक अहमदनगर, अजित पाटील उपविभागीय पोलिस अधिकारी यांच्या मार्गदर्शनाखाली स्थानिक गुन्हे शाखेच्या पथकाने ही कामगिरी केली.
