संतोष औताडे-मुख्य संपादक, नेवासा, दिनांक -05/07/2025
सविस्तर हकिकत अशी की, शनिवार दिनांक 5 जून रोजी दुपारी 2 वाजण्याच्या सुमारास ई सम नामे विक्रम भीमा आढाव राहणार शिरजगाव तालुका येवला जिल्हा नाशिक हे आपल्या दोन मित्रांसमवेत मित्राच्या मारुती रिट्स कारने भालगाव तालुका नेवासा येथे स्वतः करिता सेकंड हँड कार पाहण्यासाठी श्रीरामपूर कडून नेवासाकडे येत असताना पुनतगाव फाट्याच्या जवळ नेवासाकडून एका मोटर सायकलवर तिघेजण येत असताना मोटर सायकल घसरून पडल्याने ती कारखाली आली आल्याने दोघे जण कारखाली रगडले गेले व पाठीमागे बसलेला तिसरा इसम बाजूला फेकला गेला. कार चालकाने कार थांबून पाहिले असता दोघेजण गंभीर जखमी झालेले होते.
घटनेची माहिती मिळताच पोलीस निरीक्षक धनंजय अ. जाधव यांनी फौज फाट्यासह तातडीने घटनास्थळी धाव घेतली. मोटर सायकलवरील तिघेही दारू पिले असल्याचे नागरिकांनी सांगितले.
या घटनेच्या अनुषंगाने पोलीस ठाणे नेवासा येथे अकस्मात मयत दाखल झाला असून मोटर सायकलवरील दोन्ही मृतकांचा इंक्वेस्ट पंचनामा व पोस्टमार्टम कारवाई नेवासा पोलीस ठाण्याकडील सहाय्यक पोलीस निरीक्षक अमोल पवार यांनी पार पाडली.
सदरचा तपास पोलीस निरीक्षक धनंजय अ. जाधव यांचे मार्गदर्शनाखाली अमोल पवार पोलीस ठाणे नेवासा हे करीत आहेत.
